Driver sa Mandaue magpatabang sa mga mall operator

CEBU, Philippines - Mangayo  og panabang sa mga tag-iya og mga mall sa dakbayan sa Mandaue ang mga   drayber    ug  operator sa  PUJ  sa  Mandaue aron  pasudlon  sila  sa dakbayan  sa Sugbo  sa  panahon  sa kagabhion pinaagi  sa rota nga Jones Avenue.

Si Romeo Armamento nga maoy presidente sa Mandaue United Drivers and Operators –National Confederation of Transportworkers Union (MUDA-NCTU)   mibutyag  nga silang  mga  drayber  ug  operator  sa  21B ug 22B  maoy  sakyanan  sa  mga  kawani sa  mga  mall tali  sa dakbayan  sa Mandaue  ug  dakbayan  sa Sugbo  matag adlaw. Dugang pa niya nga   usahay  gumikan sa kalisud  sa sakyanan  magbalhin-balhin  sila  sa  pagsakay ug  gawas  nga  dagko  ang  gasto, mahago  pag-ayo  ug  luya  na  inig-abot  sa trabahoan.

Gitataw  ni Armamento  nga  uyon  siya  sa pagbutang og terminal sa mga mall sa dakbayan sanglit  makapasayon   kini  sa pagpasakay   sa mga pasahero. Sa samang  higayon  makapaluag  usab  kini  sa karsada kay  ang mga PUJ nga puno na daan sa pasahero sa iyang paglarga gikan sa terminal, dili na mohunong  sa pag-pick- up og pasahero  sa kadalanan. Pipila  kini  sa  mga  katarungan  nga  gihapin  ni  Armamento  sa  tinguha  nila  nga mahibalik  ang  ilang  rota nga  Mandaue, Cebu City  agi  sa Jones  Avenue. (WC) (BANAT NEWS)