CEBU, Philippines - Naangol ang batang lalaki human kini maigo sa stray bullet samtang naglakaw sa karsada paingon sa ilang balay sa Sitio Nangkaan barangay Perrelos siyudad sa Carcar niadtong Domingo sa alas 9:00 sa gabii.
Ang biktima mao si Jombing Paras,12 , tinun-an sa Grave Five sa Perrelos Elementary School ug nagpuyo sa maong lugar.
Si SPO1 Silas Ceballos sa Carcar City Police Station mibutyag sa Banat News nga naigo sa tuong paa ang biktima.
Miingon ang biktima nga nakadungog siya og buto sa armas samtang naglakaw siya. Human sa buto mibanhod ang iyang tuong paa ug didto siya masayod nga naigo siya sa bala.
Ang mga tanod nga nag-roving maoy daling nakarespondi ug midala sa biktima ngadto sa Carcar District Hospital.
Padayon pang gipanid-an sa kapolisan ang nagpabuto sa armas nga nakaangol sa biktima. (/WC) (BANAT NEWS)