Kong. Samsam Gullas uyon pagtangtang sa “pork barrel”
CEBU, Philippines - Mga proyekto sa mga kalungsoran maapektohan niining pagtangtang karon sa Priority Development Assistance Fund (PDAF) matud ni Kongresista Gerald Anthony “Samsam†Gullas Jr.
Hinuon giklaro sa neophyte nga kongresista nga dili siya supak sa pagbuot sa presidente sa nasud apan gibati siya og kabalaka sa mahitabo sa iyang educational scholars ug medical assistance program,.
“I’m fine PDAF to be abolish…okay lang pero worried ko what will happen to my scholarship and medical program,†ni Samsam pa.
Kahinumduman nga tungod sa isyu sa korupsiyon hinungdan nga si Presidente Benigno Aquino III uban ni Senate President Franklin Drilon ug House Speaker Feliciano Belmonte mianunsyo nga panahon nang wagtangon ang PDAF.
Matud ni Samsam nga daku unta nga tabang ngadto sa katawhan ang PDAF apan dunay miabuso niini. Matud niya nga paabuton na lang nila kung unsay sunod nga kamandoan kung unsaon pagkuha og pundo alang sa mga konstituwente sa matag kongresista.
Kahinumduman nga si Samsam nagplano kining mohatag og scholarship ngadto sa 800 ka mga kabus nga estudyanteng ubos sa iyang distrito nga mapiling mga scholar.
Laing proyekto nga buot ipatuman ni Samsam mao ang road concreting ug paghatag og budget sa pagpatukod karon sa merkado publiko sa lungsod sa Minglanilla.
Si Samsam nagplano usab kini sa paghatag og hinabang ngadto sa mga kapitan sa 22 ka barangay sa Talisay diin ang budget niini kuhaon unta gikan sa iyang PDAF. (BANAT NEWS)
- Latest
