180 ka fish vendors sa Mandaue alkanse na
CEBU, Philippines - Mitiyabaw ang 180 ka mga manindahay og isda ug mga mananagat sa dakbayan sa Mandaue tungod sa paghagsa sa halin sa ilang negosyo tungod sa pagkalunod sa barko sa St. Thomas Aquinas sa 2GO shipping nga nakaingon sa dakong kadaut sa ilang panginabuhi.
Si Sally Igot Naya nga usa sa mga dakong negosyante og isda sa merkado publiko sa dakbayan sa Mandaue nga nahinabi sa Banat News miingon sa nakalabay nga tulo ka adlaw mokabat sa P200,000 na ang naalkansi sa iyang pagpamaligya.
Sukad sa pagkahitabo makahalin nalang siya P2,000 kada adlaw tungod kay ang mga lab-asera nahadlok sad nga di mahalin ang isda karong mga panahona.
Si Ricky Bulacan nga maoy presidente sa kahugpongan sa mga mananagat sa dakbayan sa Mandaue miingon nga mihunong na usab sila sa pagpanagat kay wala say mamalit sa ilang isda. (BANAT NEWS)
- Latest
