Bodega ug tapahan nasunog

CEBU, Philippines - Nasunog ang bodega sa lumber yard human giingong nag-over heat ang tapahan sa kopras  sa tupad niini diha sa barangay Catmon Daan sa lungsod sa Catmon kagahapon sa alas 10:00 sa buntag ug apil sa nasunog ang mga pinauga nga kopras ug mga kahoy.

 Ang nasunog nga bodega gipanag-iya sa usa ka Roy Ares, molupyo sa maong lugar. Matud ni FO1 Cerelo Odal sa Carmen Fire Station nga maoy nirespondi sa alarma nagsugod ang kalayo sa nag-overheat nga copra drier ug nga daling nikaylap sa mga pinauga nga kopra ug niabot sa bodega sa lumber.

Nakontrolar kini sud lang sa 30 minutos  ug gibanabanang  midanyos og 25 mil pesos.  Ang caretaker nga si Julito Botuhan wala sa tapahan dihang kini nasunog. (BANAT NEWS)