CEBU, Philippines - Nalandig sa Cebu City Medical Center ang usa salon hairstylist human kini dunggaba sa kapikas sa kinabuhi pasado ala una sa hapon niadtong August 2, 2013 didto sa Sitio Sto. Niño, Brgy Quiot Pardo dakbayan sa Sugbo.
Ang bikitma naila nga si Ana Ludivina Melencio, 53, lumolopyo sa maong dapit.
Sumala pa sa imbestigasyon sa kapolisan ang biktima padung na motambong sa iyang trabaho dihang kalit nga gidunggab sa iyang bana nga si Rene Melencio, 43, ang biktima gitabang sa ilang anak nga si Vervin. Maayong pagkabuslot sa tuong bahin sa aping ug ang walang bahin sa liog niini sa biktima nga gidala sa Cebu City Medical Center. Samtang miikyas ang suspek.
Matud pa nga dugay nang dili maayo ang relasyon sa magtiayon ug gani gikasohan na kini sa ginang diha sa barangay hall tungod sa pagpanapat.
Si PO2 Nilo Aventurado sa homicide section nagkanayon nga kasong frustrated parricide ang kaso sa suspetsado tungod sa kalapasan niini sa protection Order sa Barangay ug ang Republic Act. No. 9262( Anti – Domestic Violence Against Women and Children Act of 2004). (Sibyl Pacaña, USJR Intern/EIM) (BANAT NEWS)