CEBU, Philippines - Ang Home Development Mutual Fund (HDMF) o Pag-IBIG Fund Cebu South ug North branches mopatuman sa bag-ong Short-Term Loan (STL) System nga gisugdan kagahapon.
Ang Pag-IBIG Fund Cebu branches nagpahibalo sa tanang miyembro sa probinsiya sa Cebu, Bohol, Negros Oriental ug Siquijor kabahin sa implementasyon sa bag-ong sistema nga ang katuyoan mao ang paghatag sa tanang miyembro og paspas ug epektibong pagproseso sa mga loan applications.
Ubos sa bag-ong sistema, ang member-applicant kinahanglang moparehistro una online ug adunay Pag-IBIG membership ID (MID) number sa dili pa mo-avail sa loans.
Ang tanang employers kinahanglan usab nga manigurong ang ilang mga empleyado maka-secure sa ilang MID numbers.
Kung wala pa makaparehistro, mamahimong morehistro online sa www.pagibigfund.gov.ph. Mamahimo pud silang mobisita sa Pag-IBIG offices.
“While the Pag-IBIG Fund moves towards new and more efficient systems, we ask for the members and employers’ cooperation and understanding as we adjust to this new system. Rest assured that we shall continuously work in further improving our services for the benefit of our members,†matud pa ni Pag-IBIG Fund vice president for the Visayas Victoria dela Peña,
Sa dugang pangutana, mamahimong bisitahon ang opisina sa Pag-IBIG Fund-WT Corporate Tower, Mindanao Avenue, Cebu Business Park, Cebu City o mamahimong motawag sa 505-9759 or 415-5003 o mo- email sa cebunorth_med@pagibigfund.gov.ph or cebusouth_med@pagibigfund.gov.ph. (/EIM) (BANAT NEWS)