CEBU, Philippines - Usa ka panagatan ang gisikop lakip ang 16 ka mga tripulante niini ug ang kapitan tungod sa pagpanagat diha sa kadagatan sa Poblacion, Sta Fe sa isla sa Bantayan niadtong Domingo sa gabii.
Matud pa nga migamit ang panagatan og pukot nga gitawag og sapyaw nga gidili na sa balaod tungod kay makadaot kini sa mga gasang ug mahurot ang gagmay’ng isda.
Ang gidakop nga mga tripulante naglakip sa ilang kapitan nga si Bimbo Saplad,39; Vicente Pepito; Regie Parilla, Rico Illiot , Glenn Languido, Jason Diongson, Robert Saplad, Rommel Tumakay, Jelo Conchas, Jesrel Noynay, Benjun Beoto, Harry Pepito, Gel Vilaganas, Richard Rosales, Cris Urbano ug Joseph Joamao nga pulos taga Medillen.
Matud ni PO3 Ben Almonicar sa Sta Fe police dihang nahinabi sa Banat News si Konsehal Roel Cabrera maoy misumbong kanila bahin sa presensya sa maong panagatan sa ilang lugar. Gipasakaan og kasong ilegal nga pagpangisda ang mga suspek sa piskaliya kagahapong adlawa. EIM (BANAT NEWS)