CEBU, Philippines - Saulogon karong adlawa sa Bureau of Customs-Cebu ang ilang ika-127 anibersaryo nga walay kolektor nga nagdumala kanila, human miluwat sa iyang katungdanan si Customs Port of Cebu Collector Edward dela Cuesta sa milabay’ng semana.
Matud pa ni Cebu Customs Deputy Collector for Assessment Atty. Roberto “Bobby†Sacramento bisan pa sa pagluwat sa katungdanan ni. Dela Cuesta magpadayon ang ilang matag tuig nga kalihukan nga pagselebrar sa ilang anibersaryo.
Ang anibersaryo sa BOC dinhi sa Sugbu niadto pa untang Hulyo 25 gihimo apan ila kining gisibog karong adlawa Hulyo 30 ug kini saulogon sa Cebu International Convention Center o CICC sa dakbayan sa Mandaue.
Gipaabot nga motambong si BOC Commissioner Ruzzano Rufino “Ruffy†Biazon ug uban pang mga opisyal ug mga stake holders sa maong ahensiya. Si dela Cuesta sa iyang bahin mapasalamaton sa suporta sa mga kawani sa BOC Port of Cebu diin atol sa iyang pagdumala malampuson sila sa pagkab-ot sa ilang binuwang target.
Gipadayag ni dela Cuesta nga ang pagpaluwat kanila sa katungdanan ni Biazon maghatag kini og kahigayonan sa naulahi nga makabutang og haom nga kolektor sa mga pwerto sa nasud. EIM (BANAT NEWS)