Danao gimandoang pabayran ang 238 casual employees
CEBU, Philippines - Gimandoan na sa Regional Trial Court ang kagamhanan sa dakbayan sa Danao sa pagbayad sa suhulan sa 238 ka mga kaswal nga mga kawani nga wala bayari sa niaging administrasyon.
Si Danao City RTC Branch 25 presiding Judge Jerry Dicdican sa iyang kamandoan nga gipetsahan og Hunyo 25, 2013 niluwat og writ of preliminary injunction nga nagmando kang Mayor Ramon “Nito†Durano III nga ibaliwala ang memorandum sa iyang igsoon nga si kanhi mayor Ramon “Boy†Durano Jr.
“No more legal issues, ang gihuwat ang writ of execution,†matud pa ni konsehal Jorge John Cane.
Matud pang Cane nga gipasar na sa konseho sa syudad ang supplemental budget alang sa suhulan sa maong mga kawani. Gibutyag usab ni Cane nga sa dihang nilingkod pagbalik isip mayor si Nito, gipatrabaho usab pagbalik ang apektadong mga kawani.
Si Boy nipugong sa suhulan sa 250 ka mga kawani sa buhatan ni Nito alang sa buwan sa Hunyo hangtud Septiyembre 2012 apan 238 ra ang nisang-at og reklamo batok ni Boy.
Ang kaso gipasaka taliwala sa panagbangi sa managsoong Durano kinsa nag-atbangay sa niaging eleksiyon nga niresulta sa pagkapilde ni Boy.
Lakip sa gipasakaan og kaso mao sila si Danao City Budget Officer Teresita Almacen ug Galacito Camaongay, ang officer-in-charge sa City Human Resource Management Office.
Si RTC Judge Sylvia Aguirre-Pedranga sa sayo pa niluwat og Temporary Restraining Order tumong sa pagpabayad sa suhulan sa 238 ka mga kawani apan gibaliwala kini ni Boy. (/EIM) (BANAT NEWS)
- Latest
