DUMAGUETE CITY, Philippines – Usa ka 55-anyos nga lalaki nga grabe ang pagselos ngadto sa iyang asawa ug manghod tungod sa pagdudang duna silay relasyon ang miunay og sunog sa ilang balay sa Barangay Camanjac sa siyudad sa Dumaguete.
Sumala pa nga si Lucrito Corsame miduslit og kalayo sa ilang panimalay atubangan mismo sa iyang pamilya human niya sila gipamukaw gikan sa pagkatulog , matud pa sa asawa niining si Pacita, 45, sa The Freeman, igsuong pamantalaan sa Banat News.
Apan dili lang kay ang ilang balay maoy nasunog sanglit hasta ang katupad nga balay nga gipanag-iya sa usa ka Cecilia Estoras, 44 naapil og kasunog. Naapil og kasunog ang kabtangan sa mga tagbalay ingon man ang P P3,500 cash nga tinigom sa anak ni Lucrito ug P20,000 cash ni Estoras.
"We lost everything, and firemen also had a difficult time stopping the fire because their truck could not get to our house," matud pang Pacita sa ilang pinulongan, namatay usab ang ilang sa maong sunog.
Matud pa nga dili makatoo ang ginang sa gibuhat sa iyang bana ug sa kagrabe sa pagselos niini tungod sa pagdudang nagdulog silang duha sa manghod niini, butang nga kusganong gihimakak sa ginang.
Si Lucrito gidakop sa kapolisan ug sa iyang mga silingan niadtong Huwebes sa hapon samtang nagtago sa ibabaw sa punoan sa talisay duol sa naugdaw nilang balay.
Nakuhaan usab kini og usa ka dose pulgadas nga kutsilyo ug 20 pulgadas nga bolo. (Iphraim "Raffy" T. Cabristante sa The Freeman/EIM) (FREEMAN)