CEBU, Philippines - Giawhag ni Gov. Hilario Davide III ang bag-ong pangulo sa Police Regional Office-7 ug Philippine Drug Enforcement Agency-7 nga hingusgan ang kampanya kontra illegal nga sugal dinhi sa Sugbo.
“This is one area (illegal drugs), that whoever the regional director sa police would be, should focus on,†matud pang Davide.
Ang pangulo sa PDEA-7 nga si Julius Navales kinsa mibisita sa buhatan ni Davide niadtong Lunes miangkon nga duna gyuy problema ang Sugbo sa illegal nga drugas apan dili kini susama kadako sa ubang lugar. Misaad hinuon kini nga magpadayon ang PDEA sa ilang mandato ug makig-alayon sila sa PNP ug sa National Bureau of Investigation sa kampanya batok niini. Si Davide misaad usab nga hatagan og mga gamit ang PDEA sama sa bullet proof vest aron dunay magamit ang ilang frontline personnel.
Samtang gipaabot nga buksan na karong bulan sa Agosto ang bagong buhatan sa PDEA diha sa Barangay Lahug, syudad sa Sugbo nga anha ibutang sulod sa compound sa Cebu Provincial Police Office nga gipanag-iya sa probinsya sa Sugbo. (AJ De La Torre/EIM)
Gibuwagan sa uyab, working student nagpusil sa ulo
Ni Darrel Carumba
Patay ang usa ka giingong working student sa Police Regional Office nga nagtungha sa usa ka kolehiyo dinhi sa siyudad sa Sugbu human kini giingong nagpusil sa iyang ulo tungod sa kaguol nga gibuwagan sa iyang uyab.
Ang paghikog giingong nahitabo sud sa ilang balay diha sa Sityo Magpayong, Poblacion sa lungsod sa Alcoy niadtong Lunes sa alas 9:00 sa buntag, ang nagpakamatay mao si Joseph Duenas, 21- anyos kinsa nagkuha og kursong Associate in Computer Technician.
Matud ni PO1 Marie Joy Miro sa Alcoy Police Station nga nahinabi sa Banat News ang manghud niini maoy nakadiskubre sa nagkadugo na nga maguwang.
Matud pa nga nagkupot pa sa usa ka calibre 22 magnum revolver si Duenas nga nagtion pa sa iyang tampihak nga nabuslot na sa bala.
Nasuta gikan sa cellphone niini ang mga text messages gikan sa iyang hinigugma nga nakigbuwag na kini kaniya, kini maoy gidudahang hinungdan sa iyang pagpakamatay. (BANAT NEWS)