CEBU, Philippines - Ang Konseho sa dakbayan sa Talisay moawhag kang Mayor Johnny De los Reyes sa paggahin og pundo alang sa gratuity pay sa mga moretiro na nga Barangay Health Workers (BHW).
Karong Martes si Konsehal Richard Francis “Choy†Aznar, chairman sa kumitiba sa panglawas mopalabang og balaudnon bahin sa maong awhag ngadto sa mayor.
“Under the City Ordinance No. 2004-02 , section 13 states that a Barangay Health Worker reaches 65 years old shall forced to retireâ€, tipik sa resolusyon ni Aznar.
Gipasabot ni Aznar nga ang gratuity pay usa ka pamaagi sa pagpasalamat sa siyudad sa gihatag nga serbisyo sa mga BHW.
Ang gratuity pay magbase sa ulahing rate sa subsistence allowance nga gidawat sa BHW unya i-multiply kini sa tuig sa iyang pagserbisyo o kung pila ka tuig nga nagserbisyo ang BHW.
Apan kadtong mga retirado na nga BHW nga buot pang moserbisyo sa barangay puwede kining makapadayon, apan dili na sila makadawat og subsistence allowance. (BANAT NEWS)