Garbo gihulipan na sa PRO7
CEBU, Philippines - Hingpit na nga gipasa ni Chief Superintendent Marcelo Garbo Jr. ang iyang katungdanan isip director sa Police Regional Office-7 ngadto kang Chief Supt. Generoso Cerbo.
Atol sa speech ni Garbo, iyang giangkon nga mobiya siya sa Central Visayas nga bug-at ang dughan tungod kay iyaha nang biyaan ang mga tawo ug ang lugar nga napamahal na kaniya.
"I will leave with a heavy heart, the beautiful provinces of Cebu, Bohol, Siquijor, ug Negros Oriental as well as the men and women who have shown willingness, commitment and enthusiasm which made my job, my life, and my carrier in PRO7 very meaningful," padayag pa ni Garbo.
Giklaro ni Garbo nga ang iyang pagbiya sa rehiyon usa lang ka paagi nga aron siya makaserbisyo ngadto sa uban. Si Garbo gikatakdang maoy mamahimong director sa National Capital Region Police Office (NCRPO).
Samtang gipaabot usab ni Garbo ngadto sa mga tawong iyang napasakitan, nahatagan niya og problema, nga igo lamang siya nga naghimo sa iyang trabaho isip lider sa kapolisan dinhi.
"To those I have pained and have caused problems and frustrations trabaho lang po. Let me assure you that what I have done, what I am doing and what I will be doing will all be for the good of Filipino people," matud pa ni Garbo.
Samtang si Cerbo sa iyang bahin mipadayag nga isip OIC sa Central Visayas, iya unang ipadayon ang mga nasugdan ni Garbo ug mipasalig kini nga transparent siya sa tanan ilabi na sa mga sakop sa media ug sa ultimong tawo.
Ang hepe sa kapolisan lukop nasud PNP Director General Allan Purisima mipadayag usab nga kasamtangan pa sila karun nga mangita ug mas labaw o susama og kalibre kang Garbo sa panerbisyo. (Lesley Caminade-Vestil/EIM) (BANAT NEWS)
- Latest
