NBI ug CCPO dungan nga mo-imbestigar sa kaso ni Kon. Carillo

CEBU, Philippines - Mohimo og lahing imbestigasyon ang National Bureau of Investigation (NBI)-7 kabahin sa  paglambigit kang Cebu City councilor Gerardo Carillo sa nahitabong pagpamukbok sa ulo sa usa ka minor de edad atol sa karambola sa usa ka restobar diha sa barangay Kamagayan.Si Atty. Renan Oliva, agent on case, nagkanayon nga si Carillo personal nga midangop sa ilang buhatan ug nangayo og tabang aron imbestigahon ang nahitabong pagpangulata.

Si Carillo napasanginlang naghapak sa ulo sa usa ka 16 anyos nga lalaki  ug naa kini karun sa tambalanan. Si Oliva nagkanayon nga magpadala sila og suwat ngadto kang CCPO Director Mariano Natuel aron mangayo og kopya sa spot report ug progress reports sa maong insidente. Si Carillo miingon nga buot niyang NBI maoy moimbestigar sa kaso aron di mapasanginlang bias, tungod kay duha ka igsuon sa biktima mga polis lakip na ang ilang amahan. Hinuon mipadayag usab si Natuel nga walay problema kung ang NBI mopahigayon og linaing imbestigasyon apan mas maayo unta kung ang biktima maoy midangop sa NBI ug dili ang konsehal. pan kung ugaling mubalibad ang biktima sa lakang ni Carillo, walay mahimo ang kapulisan kung dili sa pagpadayon sa imbestigasyon.

Kagahapon sa buntag gisuwayan na usab sa kapulisan sa pagduaw ang biktima sa Vicente Sotto Memorial Medical Center aron sa pagkuha og pamahayag apan pakyas ang kapulisan kay matud pa natulog pa kini.

Hangtud karon wala pa makadesisyon ang pamilya sa biktima kung mopasaka ba og kaso batok sa maong konsehal. (Mylen Manto ug Ria Mae Booc/EIM) (BANAT NEWS)