CEBU, Philippines - Ang Philippine Atmospheric and Geophysical and Astronomical Service Administration sa Mactan mikompirma nga buhawi ang miigo sa mga barangay sa lungsod sa Dumanjug niadtong Martes sa hapon.
Si Alice Canasa mibutyag nga base sa ilang nadawat nga report nga ang kusog nga hangin naggikan kini sa dagat unya miigo ngadto sa lugar diin nahimutang ang kabalayan ug mitumba usab og punoan sa kahoy.
Gipasabot ni Canasa nga ang buhawi, hangin kini nga magadala og tubig maggikan kini sa dagat samtang ang alimpus anha lang kini maggikan sa mamala o wala kini tubig nga dala.
Matud usab ni Canasa nga ang buhawi o alimpus mogawas kini kung dunay mga panugdog ug kilat ug baga nga panganod nga medyo itom nga dag-om
Timailhan nga dunay posibleng alimpus ug buhawi kung dunay panganod nga gitawag og “mamatus clouds†o panganod nga dunay tutoy-tutoy ug inubanan usab kini sa panugdog ug kilat.
Una nang gibutyag sa pangulo sa Provincial Disaster Risk Reduction Management Council nga si Neil Sanchez nga unos ang nahitabo sa maong mga barangay dinala sa dautang panahon. (Brenda D. Batuto/EIM) (BANAT NEWS)