CEBU, Philippines - Malinawon ug malampuson ang pagpanumpa kagahapon sa mga opisyal sa lungsod sa Tuburan kinsa mananaog sa milabay nga election. Gipangunahan pinaagi sa misa pagpasalamat nga gipangunahan ni Padre Lucas Inoc, sa alas 8:30 sa buntag.
Kauban sa mga nanumpa nga mga opisyal sa lungsod mao ang ilang mga minahal sa kinabuhi kinsa mihatag kanila sa moral support.
Ang maong panumpa gitambongan usab sa mga kawani sa LGU, lider sa nagkalainlaing tulunghaan sa lungsod, mga membro sa faculty, mga estudyante, mga national government organization ug mga lider sibiko sa Tuburan.
Gibuksan ang seremonyas pinaagi sa programa nga gihatagan og welcome address ni Royeto L. Talaugon, ang municipal administrator. May mga nagkalainlaing pasundayag nga gipaila uban ang kanta ni Joielyn Catamora nga miawit s a Dakilang Lahi ug ang Magkaisa. Dayon gihimo ang panumpa sa mga membro sa Sangguniang Bayan members nga gidumala ni Judge Wilson T. Ibones.
Gisunod usab ang pagpanumpa sa bag-ong napili nga bise mayor nga si Vice Mayor Danilo M. Diamante.
Ang katapusang nanumpa mao ang napili pag-usab nga mayor nga si Mayor Democrito “Aljun†M. Diamante.
Human sa ilang panumpa mihatag dayon og mensahe si Vice Mayor Danny M. Diamante, samtang si Mayor Aljun sa iyang mensahe misubli sa iyang gisaad nga labi pa niyang ihatag ang dugang kauswagan sa Tuburan.
Gani ang iyang pasalamat iyang gipalanog uban sa mga pasalig nga dili niya pakyason ang tanan niyang gisaad alang sa kaayohan sa panginabuhi sa mga molupyo sa maong lungsod. Labaw sa tanan iyang giawhag sa tanan niyang mga tagi-lungsod nga kalimtan na ang tanan bahin sa milabay nga election ug atubangon ang bag-ong banag-banag sa kamalinawon ug kamauswagong lungsod sa Tuburan. (BANAT NEWS)