CEBU, Philippines - Wa madayon pagpauli didto sa China ang Chinese-flagged bulk carrier M/V Ming Yuan kagahapon tungod sa tropical storm Gorio, nga miigo sa Eastern Visayas ug sa Cebu.
Si Assistant Station Commander Cecille Romero sa Philippine Coast Guard (PCG) Cebu Station nagkanayon nga wala nila tuguti nga palargahon ang barko tungod kay moagi kini sa Eastern Visayas, nga adunay typhoon signal number 1.
“Our personnel are monitoring the ship for 24-hours and we also ensure the safety of the crew as per advice by our main office kaya hindi namin sila pina-depart kasi may bagyo sa anchorage area ng barko sa Tapilon at pati na rin sa Eastern Visayas kung saan sila dadaan,†matud ni Romero.
Kahinumduman nga ang Hong Kong-registered vessel gibalhin sa Tapilon Point padulong sa Malapascua Island.
Ang ahente sa PHILHUA Shipping Inc., nga si Romeo Bujawe nga maoy local shipping agent sa M/V Ming Yuan, miingon nga nahatag na niya ang clearances sa kapitan ug matud niya molarga na kini ini og lurang sa bagyo.
Matud ni Bujawe nga nahatagan na sila og tulo ka mga clearances sa Bureau of Quarantine, Bureau of Immigration ug sa Bureau of Customs sa miaging adlaw, human nibayad og dul-an sa P1.4 million nga penalty.
Ang maong barko illegal nga misulod sa Pilipinas ug mi-angkorahe sa Malapascua Island sugod niadtong Mayo 19 ug usa ka bulan pa ang milabay una pa kini nadiskubrehan. (BANAT NEWS)