Greenin Phils. sa Hunyo 29 salmotan sa LGUs

CEBU, Philippines - Ang  tulong dagan sa Run 2 Plant  4 GREENIN Philippines unya  sa Hunyo 29 mopasundayag  sa  pagsalmot  sa dugang  mga local government units (LGUs) ug  mga  tulunghaan  sa  Mindanao gawas  sa  40 ka lungsod ug mga  component cities sa lalawigan  sa Sugbo.

Pinaagi  usab  sa abag sa Catholic Educational Association of the Philippines (CEAP), ang Ramon Aboitiz Foundation Inc. (RAFI) GREENIN Philippines Program  nakahimo sa pagdani sa ubang  mga  eskuylahan  gikan  sa  mga  rehiyon  gawas  sa Visayas.

Ang network  sa CEAP's uban  sa mga  Catholic institutions naghatag sa listahan  sa mga eskuylahan nga  maoy  gipilian  sa   Aboitiz Equity Ventures alang  sa labing  maayo ug  takus  kaayong  kaabag base  sa lugar  ug sa negosyo  niini.

Ang Davao del Sur, Davao City ug Compostela Valley miorganisar sa kaugalingon nilang Run 2 Plant 4 GREENIN Philippines kaniadtong 2012, nga  maoy  nakahimo  sa maong  mga  lugar  isip unang  mga LGUs  nga gawas  sa Cebu nga mihimo  sa maong  kalihukan. Gihimo  pinaagi  sa abag sa  Holy Cross of Bansalan sa  Davao del Sur,  ang  kagamhanan  sa probinsiya maoy mipaila  sa pagsalmot sa lalawigan  alang  sa mga  kalihukan  sa pagpananom  og  kahoy.

Ang ubang lugar  ug  tulunghaan  sa Mindanao  nga mosalmot ning  maong  kalihukan naglakip  sa   Nabunturan in Compostela Valley; St. Mary’s Academy in Tagum, Davao del Norte; and Sacred Heart High School in Iligan.

 Sa pagsalig  nga  mapalambo pagtubo  sa nitibo  nga  mga  kahoy  nga  ipananom  karong  Hunyo 29,  ang  RAFI mopahigayon  og  binuwan  nga kalihokan  sa pag-atiman niini uban sa mga kaubanan sa  National Greening Program (NGP)  ug  sa  GREENIN Philippines Program volunteers. 

Ang Run 2 Plant 4 GREENIN Philippines gipahigayon  matag  tuig sa katapusang  Sabado sa Hunyo agi  og  kasaulogan  sa  Environmental Month.

Ang  maong  kalihukan pinasubay  sa  National Greening Program (NGP) sa  kagamhanang  nasudnon nga  nakigdugtong sa  Billion Trees Program sa DILG ubos   sa  NGP.

Ang Run 2 Plant 4 GREENIN Philippines, nga usa  sa mga  sangkap  nga  kalihukan  sa   GREENIN Philippines program, usa  usab ka   fun run  ug  kalihukan  sa pagpananom  og  kahoy nga  maghatag  og  higayon  sa matag  Filipino  nga  makasalmot  sa pagpahiuli  sa maayong  hitsura sa  kalikopan  nga  motabon  sa kalasangan sa nasud.

Ang  maong  kalihukan gitumong sa  pagpauswag  sa kinabuhing  bukidnon  nga  nagmahal  sa mga  tanom  ug  sa kalikopan pinaagi  sa pagpananom  og  mga  matang  sa kahoy  nga dali  rang  makasalimbong  sa mga kabungtoran  sa umaabot  nga  mga  tuig. (BANAT NEWS)