Mga sugarol mikabad og dagan pag-abot sa mga polis

CEBU, Philippines - Mialibwag  og  panagan  ang   mga sugarol nga  namosta sa video  karera    dihang miabot ang mga polis  sa sitio Ilang-ilang, barangay Lagtang, dakbayan sa Talisay sa miaging buntag.

Kini  human  makadawat  og  report ang  mga  polis  bahin sa giingong operasyon sa video karera  sa maong lugar hinungdan nga girespondehan dayon nila kini. Ang giingong mga namusta sa video karera   nagkatibulaag  sa  pagdagan   dihang nakita nila nga nagpaingon sila si SPO1 Mikie Espina, PO3 Rey Bucao, PO3 Ferdinand Pablo, PO3 Benedicto Lasque ug PO1 Edwin Campomanes. Ang maong mga makina    nga  pasugalan nasakmit  sa kapolisan  sa mga payag-payag sa bakilid nga lugar.

Wala’y bisan usa  nga miangkon  nga  tag-iya o operator niini ug walay bisan usa usab sa mga residente sa lugar ang misulti  kun  kinsay  operator sa maong mga video  karera.

Wala  hinuoy nasikop  nga  mga  sugarol atol  sa maong  pagronda  sa kapolisan. (BANAT NEWS)