CEBU, Philippines - Sugod karong adlawa, 28 ka mga polis sa Cebu City Police Office, Traffic Patrol Group ang i-deploy isip “buddies†sa mga traffic enforcers pagbantay sa katorse ka hotspots sa siyudad sa Sugbu.
Matud pa ni CCPO director Mariano Natuel Jr. ang buddy system nauyonan nila tali sa City Traffic Operations Management (CITOM) aron masiguro ang seguridad sa mga traffic enforcers ug aron di na masubli pa ang nahitabo duha ka semana na ang nakalabay diin usa ka traffic enforcer ang napatay.
“Dunay prerogative ang hepe sa traffic unsaon sila pag-deploy, but I want this 28 policemen to be assigned on the streets,†matud pa ni Natu-el.
Gawas sa pagtabang sa mga enforcers sa traffic flow, ang maong mga polis mo-roving usab sa mga dapit diin sila madestino apan dili mopalayo sa ilang kaubang traffic enforcers.
Ang maong mga policeman-traffic enforcer tandem magsugod og bantay gikan sa alas-7 sa buntag hangtud sa alas-7 sa gabii ug kung dunay grabe ka bug-at nga trapiko.
Ang areas of concern sa north district naglakip sa uptown sama sa Cardinal Rosales Ave. ug Gorordo Ave., Sudlon sa Lahug, Salinas Drive, Cardinal Rosales corner Escario ubos sa flyover sa Cebu Business Park padung sa Grand Convention Center area, Escario street, provincial Capitol padung sa Osmeña Boulevard, General Maxilom Avenue, Juan Luna Avenue ug F. Cabahug St. padung St. Benedict School, Carreta, ug sa Talamban proper. Samtang sa South district, kinahanglan ang police visibility ug enforcers duol sa flyover sa Barangay Mambaling, C. Padilla St. Padung sa South Road Properties (SRP), V. Rama Avenue, south-bound Natalio Bacalso Ave. padung Tagunol, Bulacao, F. Llamas St, ug Tres de Abril St. ngadto na sa Barangay Tisa.
Lakip usab niini ang Gov. M. Cuenco Avenue sa Barangay Banilad, diin gipusil patay ang traffic enforcer nga si Armando Daligdig. (BANAT NEWS)