Mga basurang plastic maoy sagad nakuha sa mga kanal sa Maguikay

CEBU, Philippines - Mga basurang ginama sa plastic maoy sagad sa mga basurang nakubkob gikan sa mga kanal sa dalan sa M.C. Briones ug dalan M.L.  Quezon  sa barangay Maguikay sa dakbayan sa Mandaue.

Kini atol sa gihimong cleanup drive sa maong dakbayan uban sa mga opisyal sa Department of Public Works and Highways (DPWH) 7 sa 6th district engineering district nga girepresentahan ni Engineer Myrna dela Serna.

Si Florentino Nimor Jr. , nga maoy planning officer sa Mandaue City ug sakop sa drainage and anti-flooding committee  sa dakbayan miingon nga usa ka semana ang himuon nilang pagpanglimpyo sa mga kanal.

Ang maong lugar maoy usa sa mga flood prone areas sa siyudad sa Mandaue.

“This is one factor why our drainage system is clogged up in view of indiscriminate throwing of garbage especially plastic materials,” matud ni Nimor.

Naglakip sa mga kanal nga ilang gipanghabwaan sa mga basura mao ang Tipolo flyover, eskina sa Sudlon-Maguikay, Basak area, eskina sa Pagsabungan, eskina sa M.L. Quezon flyover, dalan Plaridel, eskina sa Tita Gwapa ug uban pa sa barangay Alang-Alang sa maong dakbayan ug uban pa. (BANAT NEWS)