CEBU, Philippines - Opisyal nang nibalik ang tanang Provincial Supervisors ug Election Officers sa tibuok probinsya sa Sugbo sa ilang mga assignments human matapos ang mando pag-reshuffle nila sa wa pa ang eleksyon. Gahapon, pormal na gi turn-over ni Provincial Supervisor Eddie Aba kang Atty. Marco Lionel Castillano ang tanan mga dokumento lakip sa 2013 elections.
Si Aba mobalik na sa iyang opisina didto sa Dumaguete samtang si Castillano magsugod na og prepar para sa barangay elections diri sa Sugbo.
Matud ni Castillano giandaman na nila ang umaabot nga barangay eleksyon tungod kay dili sila ganahan mahitabo ang problema kaniadto nga nagkuwang og mga balota sa mga voting precincts karong dili Precinct Count Optical Scan (PCOS) machines ang gamiton.
“We have learned from the past barangay elections that dapat sayo ang preparasyon.†Magsugod ang registration alang sa mga botante inig July 22 hangtod sa 31. (AJ De La Torre/EIM)
Gikan sa prisohan nadasmagan sa trak patay
NiDarrel Carumba
Patay nang nadangat sa tambalanan ang 21-anyos nga bag-ohay pa lang nakagawas sa bilanggoan human kini naligsan patay sa cargo truck sa iyang paglabang sa highway didto sa barangay Dakit sa siyudad sa Bogo niadtong Lunes sa alas 10:00 sa gabii.
Ang biktima mao si Richard Ochea, 21, taga barangay Kinawahan sa lungsod sa San Remegio ug niadtong petsa 11 lang sa Hunyo nakagawas sa Cebu Provincial Detention and Rehabilitation Center tungod sa kasong robbery ug carnapping.
Ang drayber sa Isuzu Elf cargo truck dunay plaka nga YGS-674 mao si Clyde Archie Probida,37, molupyo sa Poblacion lungsod sa Daanbantayan.
Matud ni PO3 George Ocena, traffic investigator sa Bogo City Police Station nga nahinabi sa Banat News ang biktima kalit nga milabang sa karsada nga wala maglingilingi sa pikas ug pikas nga bahin sa karsada hinungdan nga kini napunggit ug nalabay og pipila ka metros.
Gihulaway nga nabali ang walang bahin sa bukton niini ug maayong pagkabunal sa ulo ug wala nay panimuot dihang gitabang ug pag-abot sa Verallo District Hospital sa siyudad sa Bogo gideklarar nga patay na.
Ang drayber sa trak boluntaryo hinoong mitahan sa iyang kaugalingon sa kapulisan ug nabalhug na karun sa karsel samtang gihikay ang tukmang sumbong nga ipasaka batok niini. (BANAT NEWS)