CEBU, Philippines - Si Cebu Provincial Police Office (CPPO) Director, Sr. Supt. Patrocinio Comendador mibutyag nga wala sila makadawat og taho nga adunay carnapped vehicles sa probinsiya.
Kini human hidakpi ang duha ka mga suspek sa Mabolo sa miaging semana.
Si Comendador midugang nga kasagarang gikawat sa probinsiya mao ang mga motorsiklo
Matud pa niya nga tulo ngadto sa lima ka mga motorsiklo ang mangawala kada bulan sa kalungsoran sa tibuok lalawigan.
“We need monitoring and fast information from car rental companies kay there are certain procedures pud before we can declare carnapping,†matud niya.
Matud ni Comendador nga aduna silay giumol karon nga chokepoints sa lima ka nagkalain-laing dagkong dalan labi na sa Metro Cebu areas aron sa dali nga pagpahigayon og road block kung gikinahanglan.
Adunay pulis ang maong chokepoints nga gikan sa CPPO headquarters.
“If naay alarma dali ra ma-block ang criminal nga musulod sa probinsiya gikan sa Cebu City and vice versa,†dugang pa ni Comendador .
Nagsugod ang deployment niadtong Sabado apan padayon nilang gibansay-bansay ang ubang kapolisan alang sa pagpadali sa pagresponde sa mga alarma karong semanaha.( /WC) (BANAT NEWS)