DOH nalipay bakuna batok dengue nadiskobre

 CEBU, Philippines - Giangkon  sa  mga kadagkoan sa kasanihan  sa  rehiyon 7  nga  nalipay  sila  niining  bag-ong  bakuna  batok sa dengue.

Matud   pa  ni Regional Director Asuncion Anden  sa Department of Health (DOH)7  nga  ilang gihagit  ang kompaniya  nga  nakadiskobre  sa maong  bakuna  nga  ipadali  kini  paghuman  aron daghang  kinabuhi    ang  malibre.

Miingon  si Anden  nga  bisan  ang  mga  ginikanan  nalipay  kaayo niini  tungod  kay  daghan  na sa  mga  kabataang  nataptan  sa maong  sakit  nga  namatay.

Kun  ang  maong bakuna batok dengue  anaa  na  unta,  malagmit ang  mga  kabataang  namatay di  pa tingale  unta  mopahuway  sa dayon.

Ang  bakuna  batok  dengue  gipaila na  sa  mga kadagkoan sa kompaniya  nga   gikan  sa gawas  sa nasud.

Kini  human sa 20 anyos  nila  nga  pagtuon  sa epektibong  tambal  batok  sa pinaakan  sa lamok  nga  dengue.

Dinhi sa Cebu, gilusad  sa miaging  adlaw  ang  programa  sa kagamhanan  nga  nag-awhag  sa katawhan  sa pagpuhag  sa mga   tubig nga  mahimong  itloganan  sa  lamok    nga  dengue.

Si Anden  mibutyag  nga  silang  mga  doktor  andam  motabang  sa pag-promote  sa maong  tambal  aron  nga  daghang  kinabuhi  ang  masalbar.

Miingon  si  Anden  nga  dinhi sa Sugbo   gibalik-balik na sa pagtug-an  sa  mga  kawani  sa  DOH  ang  angay  nga  buhaton  sa mga  molupyo  aron  malikay  ang  ilang  pamilya sa sakit  nga dengue  nga  moabot  sa ilang  lugar. (- /WC)  (BANAT NEWS)