Dul-an 100 ka armas ang ‘sakmit atol sa gun ban
CEBU, Philippines - Kapolisan sa lalawigan sa Sugbu nakasakmit og dul-an 100 ka mga armas sukad sa pagsugod sa Comelec gun ban niadtong Enero 13 hangtod Hunyo 12, sud sa 73 ka mga operasyon.
Sa 73 ka operasyon, 79 ka suspects ang nasikop, duha niini mga pulis ug usa ang security guard. Miabot usab sa 96 ka mga armas ang nakuha lakip niini 37 nga high-powered ug 59 ang low-powered.
Matud ni Deputy Provincial Director for Administration, Supt. Glenn Candelario Ares, nga ang Comelec- supervised checkpoints ug ang Oplan Kontra Boga nakadugang sa gidaghanon sa armas nga nakuha.
Duha ka mga dagkong operasyon batok sa mga armadong tawo sa lungsod sa Dumanjug ug Tuburan samtang nagsingabot ang eleksyon ang gihimo sa kapolisan.. (Ria Mae Booc/EIM) (BANAT NEWS)
- Latest
