CEBU, Philippines - Giawhag karon ni Cebu 6th District Board Member Thadeo Ouano ang iyang mga kaubanan sa hunta probinsiyal sa pagpalihok og balik sa Local Disaster Risk Reduction and Management Council (LDRRMC) sa tanang lokal nga kagamhanan sa lalawigan taliwala usab niining kanunay nga pagbunok sa ulan.
Gitataw niya nga kaakohan sa kagamhanan ang pagpangandan alang sa paghatag og kasiguroan sa katawhan pinaagi sa paghimo og hiningusgang plano sa mga kalihokan nga pagahimoon nga gitumong alang sa dinaliang pagtubag sa masinati nga katalagman nga gimugna sa dautang panahon.
Si Board Member Ouano nga maoy chairman sa committee on environment sa hunta probinsiyal sa kagamhanan sa lalawigan sa Sugbo miingon nga ang pagpangandam ug ang paghimo daan sa kagamhanan sa mga plano sa pagtubag sa mahitabong katalagman nga naglakip sa sunog, bagyo, baha ug pagdahili sa yuta. Gipasabot niya nga ang nahimutangan sa lalawigan sa Sugbo nga usahay maoy masentro sa pag-igo sa bagyo nga kun ang lokal nga mga opisyal wala mohimo og mga pagpangandam maoy masinati ang kalisod na hinuon sa pagtubag sa panginahanglan sa katawhan.
“The best time to call for preparation and action is when this inevitable natural phenomena are far at our doorstep,†matud pa ni Ouano. “Groundwork should be checked in all levels, barangay, municipality, city and province.â€
Dugang pa ni Board Member Ouano nga ang National Policy ubos sa Republic Act 101211 nag-ingon nga kaakohan sa kagamhanan ang paghatag og kasiguroan sa kinabuhi ug kabtangan sa katawhan pinaagi sa pagpasiugda og mga kalihokan nga gitumong sa pagpanalipod batok sa mahitabong katalagman. (/WC) (BANAT NEWS)