CEBU, Philippines - Singkwenta ka mga polis nga gitudlong mga summary hearing officers ug pre-charged evaluators gikan sa tibuok Central Visayas ang gipailawom sa refresher course.
Ang maong mga polis maoy mosusi sa mga kaso sa mga gipangreklamong mga polis.
Ang usa ka adlaw nga seminar sa Administrative Procedure and Disciplinary System programa sa Regional Legal Service sa Police Regional Office (PRO)-7.
Kini gipahigayon sa opisina sa Provincial Public Safety Company sa Sudlon, Lahug, Cebu City kagahapon.
Si Chief Insp. Troy Warren Cayanan, deputy chief sa RLS, miingon nga ilang gipahimug-atan sa seminar ang National Police Commission (NAPOLCOM) Circular 2007-001 or Uniform Rules of Procedures before the Administrative Disciplinary Authorities and the Internal Affairs Service of the Philippine National Police.
Subay sa maong circular, kinahanglang maresolba sud sa 30 ka adlaw ang mga kasong administratiba nga gipasaka batok sa mga polis.
Apan ang hinungdan nganong malangay kanunay ang proseso kini tungod sa kakuwangon sa mga summary hearing officers sa kapolisan. (BANAT NEWS)