CEBU, Philippines - Niadtong 2013 Charter Day sa Cebu City, may gipanghalipayan og tag-100,000 peso ang 3 ka sentgearyo nga senior citizen, nga nagpangdarong og 100 ngadto sa 102 anyos, nga taga dakbayan sa Cebu. Ang tinuod di lang kini mao ang mga nga sentenaryo nga buhi pa. Naa pay gipila nga baskog pa ug gasungkod na.
Daghan kita’g nahinabi nga sobra pas edad nga gipasidunggan sa itaas. May gikatia ko bag-ohay lang human sa Charter Day, 104 na ang edad nga bag-ong pa lang niabot gikan sa Amerika nga mangadtoan-ari sa iyang mga bata sa Manila ug sa Cebu. Kamanghuran siya sa pito ug ang kamkaguwangan buhi pa. Og ani-a ang komon nilang tubag o opinyon kun ngano o unsay ilang gibuhat nga naka-abot man sila sa pagka senteryo ... (1) Wa kaila og unsay stress basta lihok lang sila sa ilang inadlaw’ng gimbuhaton ... (2) Layo kaayog linaktan paingon sa uma o trabaho ... (3) Kinutil sa sikwati’g tubag sa di pa mokaon sa pamahaw ... (4) Sagad sa pagkaon nila bungahoy, mais, prutas ug mga utanon ... (5) Hinginom og daghang tubig ilabian sa lubi o butong... (6) Tabian o storyador, mapahiyumon ug matinagdanon nga hingamigo ug matinabangon ... (7) Sayo matulog ug sayo momata. Sa ato pa husto sa pahuway nga way pamuwaw ... (8) Way langas o kasamok sa palibot ... (9) Dili hinginom og vino ug di manigarilyo ... (10) Madasigon ug malaomon sa mga kalihokan sa pamilya ug katilingban ... (11) Paghanggap og lab-as nga hangin sa sa palibot sa kakahoyan o sa dagat ... (12) Modangop sa Kahitas-an sa ilang pagsalig ug mapasalamaton kaniya .... (13) Dili sipok o masuk-anon o mapungtanon ... (14) Paghangop sa gugma nga tiunay sa isigkatawo ... (15) Kugihan sa responsable nga pakigsek apan di abusado ... (16) Ug uban pa nga adunay talagsaon sangkap o hiyas sa ilang pagkatawo. Nakita ko mismo sa panagway nila ang ka matinud-anon sa ilang pamahayag aron ipaambit kanato sa pamasin mahisama kita kanila ang makapahilos sa kataa sa ilang pagka senternaryo nga baskog pa. (BANAT NEWS)