MOA tali sa Talisay ug EMB ipa-implementar
CEBU, Philippines - Mipalabang kagahapon sa buntag ang konseho sa dakbayan sa Talisay og resolusyon nga nag-awhag kang Mayor Socrates Fernandez sa pag-implementar sa memorandum of agreement (MOA) tali sa siyudad ug sa Environment Management Board.
Ang maong MOA kabahin kini sa tukmang lugar nga tukoran og ‘Ambient Air Monitoring Stationâ€.
Ang resolusyon numero 2013-18-4 nga gipangamahanan ni Konsehal Bernard Joseph Odilao, chairman sa committee on environment giaprobahan kini kagahapon sa buntag.
Si Odilao nagkanayon nga lakip sa 1987 Constitution ang Local Government Unit (LGU) kinahanglan nga mopatuman sa Akta Republika 8749 kon “Philippine Clean Air Act of 1999â€.
Ang EMB maoy gitahasan sa pag-instolar ug pagpahigayon og pagbansay-bansay og mga personnel nga ibutang diha sa Ambient Air Quality Monitoring Station.
Gipasabot ni Odilao nga ang pagpatukod sa nahisgutang station diha sa siyudad makahatag kini og disiplina sa mga motorista ug modumdum na kini sa saktong maintenance sa ilang mga sakyanan aron dili kini mobuga og itom nga aso nga makadaot sa kalikupan ug panglawas sa tawo.
Si Odilao nanghinaot nga mapatuman sa mayor sa labing daling panahon ang MOA diin nakahatag kini og benepisyo sa siyudad ug sa mga molupyo niini. (BANAT NEWS)
- Latest
