CEBU, Philippines - Ipasaka na karung adlawa sa National Bureau of Investigation (NBI)-7 ang kasong criminal batok sa mga tawo nga mikulata ni Mario Alfie Ducayag niadtong Abril 12, 2013.
Si Ducayag, 23 anyos nga taga Tuyan, Naga City, Cebu gipasanginlan nga nangawat og usa ka paresan nga Sandugo Sandal sa Metro-Gaisano Colon. Si Atty. Bernard dela Cruz, agent on case, nagkanayon nga dili pa nila mabutyag ang mga pangalan sa mga kasohan ug kung unsa nga kaso hangtud nga di pa nila mapasaka ang kaso sa Cebu City Prosecutor’s Office. Base sa autopsy report ni Dr. Rene Cam, NBI medico-legal officer, “traumatic neck injury†o “dislocation sa cervical vertebrae†sa biktima ang hinungdan sa kamatayon ni Ducayag.Sa gipahigayon nga case conference sa NBI kagahapon mitambong ang pamilyang Ducayag. Si Shantylle, igsuon sa biktima nagkanayon nga natagbaw sila sa gihimo sa NBI.
Gawas sa pagpasaka sa kaso, usa ka prayer rally ang ilang himuon diha sa Plaza Independencia ug mag-martsa sila padung sa Colon sa atubangan sa Metro-Gaisano Colon. Matud niya nga ugma na ang ika-40 diyas sa iyang igsuon.
Sa laing bahin, nangayo og dugang napulo ka adlaw si Dr. Nestor Sator ang Philippine National Police (PNP) medico-legal officer sa rehiyon aron pagsumitir sa iyang counter-affidavit sa kasong gipasaka ni Fe Soledad, inahan sa biktima.
Si Fe Soledad misang-at og kasong obstruction of justice and false issuance of medical certificate o falsification of a public document batok ni Sator tungod sa giingong “erroneous†o sayop niyang autopsy report sa kamatayon sa iyang anak. Matod niya ang findings ni Sator nga namatay iyang anak tungod sa asphyxia due to bleeding pulmonary o tuberculosis nga dakong sukwahi sa findings ni Cam. (BANAT NEWS)