CEBU, Philippines - Gipasakaan og kaso sa Tuburan Police ang mga pilderong kandidato sa pagkamayor ug bise mayor sa lungsod sa Tuburan tungod sa gipasangil nga pag-hire nila og mga armadong tawo atol sa piniliay.
Ang kapolisan misang-at sa kaso diha sa Cebu Provincial Prosecutor’s Office kagahapon batok nila ni Rose Marie Suezo ug Daphnie Arias Lagon tungod sa giingong paglapas nila sa Section 33 sa Republic Act 7166 in relation to Commission on Election (Comelec) Resolution No. 9561-A as amended by Comelec Resolution No. 9608.
Gawas sa duha, gipasakaan usab og kaso ang giingong ilang mga “goons†nga sila si Hepty Relator, 50; Michael de Castillo, 43; Edgar Jareleza, 40; Roel Casas, 37; Federico Acelar, 53 ug Gilbert Lorca, 43, pulos taga Iloilo City.
Ang unom nadakpan niadtong May 12, 2013 sa gabii sa mga sakop sa hiniusang pwersa sa Tuburan Police Station pinangulohan ni Police Senior Inspector Florendo Fajardo, RPSB7 ug Provincial Public Safety Company (PPSC).
Ang mga polis nagpahigayon og checkpoint sa Barangay Daan Lungsod, Tuburan dihang ilang gipara ang usa ka puti nga Ford F-150 pick-up vehicle nga may plakang YAG 271 ug dihang gipangitaan og lisensya ang drayber nga si Acelar mipresentar kini og expired nga lisensya ug expired usab ang rehistro sa maong sakyanan.
Base sa dokumento, ang sakyanan giingong gipanag-iya nila ni Ma Kara Copingco ug Sonny Lagon.
Matud pa nga nakit-an sa usa sa mga polis ang armas diha sa sud nga usa ka calibre 45 pistola maong gipahibalo dayon si Fajardo. Giingong sa una, nagmagahi sa pagkanaog ang mga lalaki apan sa kadugayan misanong sila sa mando.
KG9 mm sub machine pistols uban sa mga magazines niini; duha ka caliber 45 pistols ug magazines ug mga bala, usa ka 9mm Tanfolio nga may duha ka magazines ug mga bala; duha ka hand grenades; usa ka rifle grenade, tulo ka buhing bala sa M-16, usa ka medium heat sealed transparent plastic nga gituohang ang sulod shabu, marijuana, drug paraphernalia, ball caps, bonnets, upat ka t-shirt nga may printa ug dagway nila ni Suezo ug Lagon ug uban pa.
Si Suezo dihang gikuhaan og pamahayag mitubag pinaagi sa text sa pag-ingon: “wait una ko complaint. Refer una lawyer. Hope you understand me.†(BANAT NEWS)