Way dugang konsehal nga naproklamar

CEBU, Philippines - Wa pa ikaproklamar  kagahapon   ang  dugang    mananaog   nga  konsehal  sa  dakbayan  sa Sugbo   gumikan  sa pagkahunong  sa inihapay  sa  mga  balota  nunot  sa nangaguba  nga  mga  memory  card (MC) sa  computer  sa  pipila  ka  mga  barangay  sa dakbayan  sa Sugbo. Hangtud  kagahapon  walay  nangabot  nga  hulip  sa depektosong  MC  hinungdan  nga  walay  nahimo  ang  mga  sakop  sa city  board  of  canvassers.

Ang   grupo  sa  mga  abogado   sa Team Rama nga gipangulohan ni Atty. Ernesto Rama, mihimo  og  manifestation aron  unta  ikaproklamar  si  Hanz Abella , isip  ika-pito  nga  mananaug  nga  konsehal  sa  south  district.  Apan  gibabagan  kini  sa legal counsel sa Bando Osmeña Pundok Kauswagan (BOPK) tungod  kay  nalatid sa resolusyon sa Commission on Election nga  kutob  ra  sa ika-unom  nga  mananaug  ang  angay  iproklamar  samtang  wala  pa  mahurot  og  ihap  ang  tanang  mga  balota  niining  dakbayan.

Gisegundahan  usab  ni  election  officer  Ferdinand Gujilde ang sugyot sa legal counsel sa BOPK. 

Matud pa niya nga mas maayo nga paaboton nga  maihap  ang  tanang  mga  balota  gikan  sa tulo  ka  mga  barangay  nga  mao  ang  Mambaling, Cambinucot  ug  Bo. Luz.

Si Abella   may  boto  na  nga  mikabat  sa 1685  nga labaw kang Richie Osmeña , kinsa  nahimutang  sa ika-walo nga  puwesto   ug gisundan ni Jun Pe nga anaa sa ika-siyam nga pwesto. (BANAT NEWS)