CEBU, Philippines - Si manlalaban Clarence Paul Oaminal mihagit kang Konsehal Rodrigo Abellanosa nga tubagon ang alegasyon sa kalambigitan sa iyang mga igsoon sa pagpayuhot og mga gidili nga drugas sa Barangay Duljo-Fatima.
Sa iyang suwat nga gipadangat sa Banat News si Oaminal kinsa author sa daghang mga libro sa balaod, nagkanayon “Akong gihagit si Bebot nga tubagon kining isyuha, dugay na kaayo nang estoryaha sa Duljo, bisan kaniadto pang wa pa ko sa DDBâ€, ni Oaminal pa kinsa kanhi undersecretary sa Dangerous Drugs Board(DDB)..
Si Oaminal, nga mihupot sa maong katungdanan nga nahisgotan gikan niadtong 2008 hangtud 2010 , ubos sa pamunuan ni kanhi Presidente Gloria Macapagal Arroyo, mi-awhag usab sa mga taga-South District nga “pilion nato ang mga kandidato nga ligdong ug wa’y kalambigitan sa mga ilegal nga buhat.â€
Gani maisugong gipatik ni Oaminal sa iyang Facebook ang iyang “birthday wish†nga nagkanayon:“Happy birthday nako, ug ang akong gasa sa akong anak mao nga dili gyud ko mobotar kang Bebot Abellanosa. Akong damgo mao ang paghimo sa Sugbo nga gawasnon sa ilegal nga droga, busa dili ko mobotar kang Bebot Abellanosa tungod sa dili matubag nga alegasyon sa kalambigitan sa iyang mga igsoon nga gapuyo sa Duljo-Fatima sa ilegal nga droga. Ako gani nakapangutana nganong dali siya nakatukod sa mga building (sa Asian College of Technology).â€
Gibutyag usab ni Oaminal ang di pagsuporta sa Alpha Kappa Rho (AKRHO) fraternity sa kandidatura ni Abellanosa.
Si Oaminal hinuon, nagdumili sa pagbutyag kung kinsa ang iyang paluyohan nga mga kandidato sa Cebu City, apan iyang gipangusgan ang iyang dili pagbotar kang Abellanosa sa piniliay karong Lunes.
“Mahalon ta ang Sugbo, kay mao kini ang yutang natawhan sa mga bayani, ug ang mga bag-ong bayani mao ikaw ug ako. Mabuhi ang bantugan nga Bisaya,†hinapos nga mensahe ni Oaminal sa iyang Facebook nga miani og 225 ka “likes†samtang gisulat kining maong artikulo.(Wen Celen) (BANAT NEWS)