Independent bishops misuporta og kandidato
CEBU, Philippines - Gi-endorsar sa mga independent bishops, katoliko man o dili ang kandidatura ni kanhi Las Pinas Rep. Cynthia Villar, sa pagka senador karong umaabot nga piniliay.
Matud pa ni Rev. Efraim Perez, presidente sa Independent Bishops Conference of the Philippines (IBCP) nga ilang gipili si Villar tungod sa iyang track record, competence ug leadership nga naprubahan na sulod sa siyam ka tuig nga kongresista ug isip managing director sa Villar Foundation.
Si Villar sa iyang bahin nalipay ug nagpasalamt og daku sa maong pag-endorso. “This pledge of support is another boost to my senatorial candidacy, and I’m very thankful for the vote of confidence,†matud pa ni Villar.
Bag-o lang giendorsar ang kongresista sa Laity Initiatives For Elections nga dunay 28 ka organisasyon ubos sa Council of the Laity ug 29 ka nagkadaiyang charismatic groups sa Sugbo.
Sulod sa termino niini sa Kongreso siya mi-sponsor ug mipasar og mga landmark bills nga nagtutok sa kaayohan sa kababayen-an, kabataan ug pamilya apil na niini ang Magna Carta of Women, Anti-Trafficking of Women and Children, Anti-violence against Women, Protection of children in the workplace; Juvenile Justice System ug ang duha ka versions sa Senior Citizens Act (2003 ug 2010) ug uban pa.
Midugang si Perez nga ang kanhi kongresista ug ang iyang bana mipamatuod nga ang kakabus dili babag aron molampos ang tawo.
“Ipinakita at pinatunayan nila na ang isang mahirap na Pilipino ay pwede ring umangat sa buhay,†matud ni Perez. (/EIM) (BANAT NEWS)
- Latest
