CEBU, Philippines - Duha ka armadong lalaki ang nasikop human sa gipahigayon nga checkpoint sa Brgy. Cogon, Dumanjug probinsya sa Sugbo kagahapon.
Nasikop sa kapolisan sila si Sinever Mayonilla, taga Brgy. Candabong Dumanjug ug Niño Vibar, taga Brgy. Balay-tiki sa mao gihapong lungsod.
Nakuhaan usab si Mayonilla og walo ka transparent plastic with white crystalline substance nga gituohang shabu; usa ka .45 kalibre sa armas ug mga bala niini ug iyang motorsiklo.
Samtang si Vibar nakuhaan usab og duha ka paketeng gituohang shabu; drug paraphernalia; kwarta nga mokabat sa P720; usa ka .45 kalibre sa armas ug mga bala niini, duha ka cellphone.
Si Insp. Joey Bicoy sa Regional Public Safety Battalion-7 maoy nakadakop sa duha. Kasong paglapas sa RA 9165 (illegal drugs) ug RA 8294 ug Comelec Gun Ban ang ipasaka batok sa duha. (/EIM) (BANAT NEWS)