CEBU, Philippines - Gihimakak ni Team PNoy senatorial candidate Grace Poe nga siya misulti nga "cheaters" ang mga Cebuanos.
"I never said that Cebuanos are cheaters. I said dinaya ang papa ko ng iilan dito sa Cebu. Hindi ko sinabi na lahat ng Cebuanos mandaraya. I am so sad that this statement was twisted. I felt very helpless," matud pa ni Poe sa press conference nga gipahigayon kagahapong adlawa.
Uban ni Poe sa presscon mao si Senador Chiz Escudero kinsa sila giubanan sa ilang endorser nga si Kris Aquino, igsoon ni President Benigno Aquino III.Ang papa ni Poe nga si Fernando Poe Jr. mikandidato pagka-presidente sa Pilipinas niadtong 2004 apan napildi kini ni Gloria Macapagal-Arroyo, daghang nanggawas nga hungihong nga gitikasan sa iyang mga boto si FPJ diri sa Sugbo.
Si Aquino sa iyang bahin miendorsar ni Hilario "Junjun" Davide III, pagka-gobernador ug acting Cebu governor Agnes Magpale, pares ni Davide. (Mitchelle Palaubsanon/EIM) (BANAT NEWS)