Efrain Pelaez gikasohan
CEBU, Philippines - Gipasakaan og kasong estafa ang kampo ni Lapulapu Liberal Party congressional candidate Angel Rodriguez ang iyang kauban sa partido nga si LP mayoralty candidate Efrain Pelaez sa buhatan sa Lapulapu City Prosecutors Office kagahapon sa buntag.
Si Rodriguez uban sa iyang lima ka konsehal ug abogado ang misang-at sa maong kaso.
Matud pa ni Rodriguez napakyas si Pelaez sa paghatag og katin-awan sa balor P250 mil nilang campaign fund ug ang wala niini pagtuman sa kasabutan nga ibutang ang maong kwarta sa usa ka joint account sa banko.
Si Rodriguez mialegar kini nga gideposito ni Pelaez sa iyang kaugalingong bank account ang pundo ug wala kini mopakita og passbook sa ilang joint account sa partido.Apan si Pelaez sa iyang bahin hugot nga mihimakak sa maong alegasyon ug mipadayag nga wala silay kasabutan nga mohimo og joint account apan nag-abli si Pelaez og bag-ong account sa banko alang sa ilang campaign fund ug didto kini niya gisud ang kwarta.
Matud ni Pelaez duna siya mapakita nga resibo sa tanang nagasto sa kampanya kung buot ni Rodriguez nga motan-aw. (Bong Soriano/EIM) (BANAT NEWS)
- Latest
