Kampanya sa kapolisan nga “no to vote buying” gipakusgan
CEBU, Philippines - Gihingusgan sa kapolisan ang ilang kampanya nga “no to vote buying†sa umaabot nga piniliay pinaagi sa gipasiugdahan nilang “caravan†nga gisalmotan sa 175 ka mga bikers.
Ang mga bikers midagan og lima ka kilometro tadlas sa kadalanan sa reclamation area sa dakbayan sa Mandaue.
Ang maong kalihokan gipasiugdahan sa mga opisyal sa kapolisan sa Police Regional Office (PRO) 7 pinaagi nila ni Deputy Director for Administration Police Chief Superintendent Samuel Yordan, Chief Directorial Staff Eduard Caranza, Mandaue City Police Office (MCPO) Director Petronelli Baldebrin ug uban pa.
Gisugdan sa alas 5:00 ang takna sa buntag ug natapos usab kini sa alas 8:00 ang takna sa buntag sa mao gihapong adlaw.
Ang maong kalihokan gisalmotan sa mga kapolisan sa dakbayan sa Sugbo ug dakbayan sa Lapulapu, mga representante sa nagkadaiyang lokal nga kagamhanan, kasundalohan, Bureau of Jail Management and Penology (BJMP), bikers club sa Metro Cebu ug uban pa.
Si Senior Superintendent Baldebrin mibutyag sa mga tigbalita nga ang ilang gihimo maoy usa ka paagi aron mahatagan og pagtagad sa katawhan ang ilang kampanya nga “no to vote buying.â€
Dugang pa niya ang katawhan kinahanglan nga mopatigbabaw sa ilang katungod sa pagbotar sa Mayo 13 nga piniliay nga dili na magpaabot og kuwarta nga ibayad kanila sa mga kandidato.
“Among ipakita sa mga tawo nga seryoso kami sa among kawsa nga ‘no to vote buying†ni Baldebrin pa sa iyang pamahayag. (BANAT NEWS)
- Latest
