Pagkatap sa fake money gibantayan

CEBU, Philippines - Ang kadagkuan sa kapolisan sa Central Visayas mipahimangno sa katawhan kalabot sa pagkatap na usab sa mga pekeng kwarta ilabi na karun sa panahon sa kampanya.

Ang hepe sa kapolisan sa Regional Intelligence Division (RID) Supt. Pablo Labra mipadayag nga aduna silay mga nadawat nga taho kalabot sa mga mikatap karon nga fake money ilabi na ang tag P500 ug P1000.

Matud pa ni Labra nga sa duha ka milabay’ng piniliay aduna silay mga nakuhang taho kalabot gihapon sa pagpakatap og mga mining kwarta .

Nalambigit niini ang usa ka politiko sa amihanang bahin sa Sugbu nga gidudahang migamit sa maong mga mini nga kwarta pagpamalit og botos.

Hinuon wala pay nadakpan ang kapolisan ning bag-o nga nipakatap niini. (/EIM) (BANAT NEWS)