CEBU, Philippines - Nagkadugta na nga lawas patay sa usa ka drayber sa habal-habal napalgang nagbuy-od sa kalibonan sa sitio Libo, barangay Tayud sa lungsod sa Consolacion sa miaging Domingo sa hapon.
Si PO2 Johnaskie Romero sa kapolisan sa maong lungsod miila sa namatay nga mao si Nonilon Soliman, 50 , minyo, nga molupyo sa barangay Nangka sa nahisgotang lungsod.
Ang nakakita sa lawas patay sa maong driver mao ang usa ka 13 anyos nga bayong-bayong kinsa motubag unta sa sugo sa lawas apan mikaratel og dagan sa kahadlok dihang maoy iyang nakita ang baho na kaayong lawas sa biktima.
Dali niyang gisumbong sa kapolisan ang iyang nasaksihan ug sa pagrespondi nila ni PO2 Romero, ilang nasuta nga nag-anam na ka dugta ang lawas sa biktima.
Apan wala sila’y nakita nga samad dinunggaban o kaha sa bala busa gituohan nilang gitulis kini ug gipitlok ug dihang namatay giguyod ngadto sa libon.
Ang asawa ug kabanay sa biktima mibutyag nga Biyernes pa nga wala mahiuli sa ilang balay ang biktima.
Busa gisugyot ni PO2 Romero sa asawa sa biktima sa pagpa-autopsy sa lawas patay niini aron masuta kun gituyo ba gayud kini sa pagpatay ug si kinsa usab ang mipatay. - /WC) (BANAT NEWS)