CEBU, Philippines - Daku ang pagtuo ni gubernatorial candidate Hilario “Junjun†Davide nga makab-ot sa Liberal Party ang 12-0 votes para sa senatorial race karong umaabot nga piniliay sa Mayo 13.
Matud pa ni Davide, sigurado nang makadaog ang 12 nila kandidato tungod sa gipakitang hugot nga suporta sa mga Cebuano niadtong Biyernes sa Bogo, Toledo ug sa Capitol Grounds sa Cebu City nga gisalmutan sa mga nagkalain-laing mga kaalyado nilang lokal nga partido.
Matud pa niya ang mga kandidato pagkasenador pinili ni Presidente Benigno Aquino tungod sa ilang abilidad ug katakos nga manerbisyo sa publiko.
“Thank you for showing us that Cebuanos still believe in a graft free society,†matud pa sa text nga gipadala niini sa The Freeman, igsuong pamantalaan sa Banat News.
Dugang pa ni Davide, “Sa dalang matunhay, kauswagan kanunay.†Kini kabahin sa seryosong pagpapas sa Team P.Noy ug BOPK batok sa korupsyon nga numero unong problema sa nasud karon. (BANAT NEWS)