NGO milusad og scholarship

CEBU, Philippines - Usa  ka  non-government organization (NGO)mitanyag og  scholarsip  sa  mga kabus  nga estudyante ug  nangayo  og  listahan  niini  gikan  sa  Department of Social Welfare and Development (DSWD-7).

Si Maria Teresa Reyes Vargas, Executive Trustee sa Outreach Program on Training Integral Organizing and Networking for Solidarity  (OPTIONS) Inc.  miingon  nga  ang National Household Targeting System for Poverty Reduction (NHTS-PR) sa DSWD   nakatabang  kanila  pagsulbad  sa ilang  problema.

Matud  pa  ni Vargas  nga  milusad  sila og  scholarship  program  apan   naglisud  sila kun asa  nila  pangitaon  ang  mga     lista  sa  mga  kabataang  kabus  nga  takus hatagan  nila  og  libre  nga  pagtungha.

Miingon  si  Vargas  nga  gumikan  sa abag  sa NHTS-PR may  lista  na  sila  karon  sa  90 porsento  gikan  sa 100  ka  porsento  nga  kabus  nga kabataan  nga  maoy  ilang  gipangita.

Ang OPTIONS Inc. usa ka lisensyadong NGO nga akriditado sa DSWD7 kansang  misyon  mao  ang  pagsumpo sa child labor o menor  de edad  nga gipatrabaho  na  sa  ilang  mga  ginikanan.

Gawas  sa Options Inc,  ang Alay Lakad Foundation Inc. sa dakbayan  sa Sugbo nagkinahanglan  usab  og  mga estudyante  nga  tabangan nila  pinaagi  sa ilang  scholarship  program.

Sa pagkakaron  siyam  pa  ka  tinun-an  ang mipakita  og  kaikag  sa  pagpahimus  ning  maong  tabang.

Subay niini si DSWD 7 Administrative Assistant V ug tigpamaba sa NHTS-PR nga si Kerwin Macopia miawhag usab sa mga NGOs sa paggamit sa listahan  nga  ilang  nakuha  gikan  sa DSWD7 sa pag-umol og sosyal nga programa alang  sa  mga  kabus. (/WC) (BANAT BALITA)