CEBU, Philippines - Patay diha-diha ang usa ka 27-anyos nga lalaki human kini pusila sa wala mailhing mamumuno kagahapon sa kaadlawon diha sa sitio Hawod, barangay Bulacao, dakbayan sa Talisay.
Ang biktima giilang si Dave Oyon-oyon, taga Sitio Hollow Block, barangay Lagtang, dakbayan sa Talisay samtang gihulagway lang nga 5’0†ang gitas-on sa barog, yagpison og lawas, nagsul-ob og puwang t-shirt ug bull cap ang mamumuno.
Sa imbestigasyon nila ni SPO1 Edgar Causon ug PO2 Evie Espina nagkanayon nga ang mamumuno kalit nga mitungha duol sa tindahan nga diin mag-tong-its ang biktima ug gipusil kini sa ulo ug pagkatumba niini giusban pa kini pagpusil diha gihapon sa ulo.
Usa ka kabhang sa bala sa 9mm, usa ka Nokia cellphone, usa ka coin purse, usa ka yawi ug kwarta nga P200 ang nakuha sa crime scene. Wa pa matino sa kapolisan ang motibo sa krimen. (/EIM) (BANAT NEWS)