CEBU, Philippines - Aron mahatagan og kasulbaran ang kakulang sa mga classrooms ug uban pang mga ekipo sa tunghaan, buot igahin ni Team P.Noy senatorial candidate Edgardo “Sonny†Angara ang P100 milyones gikan unya sa iyang Priority Development Assistance Fund, kung siya palarong mapili isip senador.
Matud pa ni Angara nga usa sa iyang mga prayoridad ang pagtukod og mga classrooms, libraries ug ang pag-upgrade sa mga computers sa pangpublikong tunghaan ug state universities.
Ang matag senador adunay P200 milyones nga PDAF o pork barrel matag tuig.
“Our public schools and government-run universities lack the necessary facilities like classrooms, libraries, and their computers need upgrading compared to public schools and universities in other countries,†matud pa ni Angara sa iyang press statement nga gipadala sa Banat News.
Matud pa ni Angara nga ang kakulang sa classrooms makaapekto kini sa kalidad sa pag-eskwela sa mga estudyante kay dili sila maka- concentrate hilabi na puno na kaayo ang usa ka classrooms.
Sumala pa sa Department of Education, adunay sobra 50,000 ang kulang nga mga classrooms sa tibuok nasud ug sila nangita pa og dungag nga pundo aron masulbad ang maong problema.
Matud pa ni Clara Falconi, DepEd-7 information officer kuwang og 5,676 ka classrooms ang Cebu. (BANAT NEWS)