CEBU, Philippines - Magpabilin si Talisay City Mayor Socrates Fernandez sa partido sa Alayon –Nationals People’s Coalition bisan pa man sa problemang namugna sa kontrobersiya sa anak niining si Joavan Fernandez.
Si Kongresista Eduardo “Eddiegul†Gullas sa unang distrito sa probinsiya miklaro niini. Si Fernandez mikandidato sa pagka-konsehal sa siyudad sa Talisay samtang si Gullas sa pagka-mayor sa maong siyudad.
Si Gullas kinsa maoy founding chairman sa Alayon Party nagkanayon nga dili pabug-at si Fernandez.
“The group consider Mayor Socrates Fernandez as an asset to the Alayon Party,†ni Gullas pa.
Matud sa kongresista nga way kalabotan ang partido sa problemang giatubang ni Fernandez sa iyang anak.
Sa sayo pa, si Fernandez nagkanayon nga andam siyang mobiya sa grupo kung nakapabug-at na siya tungod sa iyang anak.
Bisan pa sa giingong problemang gihatag ni Joavan sa Talisay, si incumbent councilor Romeo Villarante kinsa nagpapiling bise mayor sa siyudad sa eleksiyon sa Mayo nagkanayon nga nagpabilin gihapon ang popularidad ni Fernandez ngadto sa mga botante sa Talisay.
Apan angay nilang hinumdoman ang baruganan niini kabahin sa isyu sa anak. (BANAT NEWS)