Kasaulogan sa Kadaugan sa Mactan gipangandaman
CEBU, Philippines - Andam na ang nagkadaiyang pasundayag atol sa kasaulogan sa Kadaugan sa Mactan sa Abril 27 sa dakbayan sa Lapulapu. Kini ang nasayran sa Banat News atol sa press conference didto sa Mactan Isla Hotel sa maong dakbayan kagahapon.
Sa Abril 19 sugdan na ang maong kasaulogan pinaagi sa mga kalihukan nga Eco Runway Fashion show ug Kadaugan sa Mactan Food Festival.
Matud ni Damian T. Gomez Jr., Tourism officer sa dakbayan sa Lapu-lapu nga ang reenactment sa Battle of Mactan nga unya na ipahigayon sa Abril 27.
Si Paulo Ravales maoy modala sa papel ni Lapu-lapu, Yam Concepcion sa papel ni Bulakna ug Troy Montero sa papel ni Magellan.Si Gomez midugang nga ang reenactment nga ilang pagabuhaton may kalainan sa mga gihimo sa miaging tuig.
Samtang si Frank Brazil, hepe sa City Traffic Management System (CTMS) mipahibawo sa publiko nga unya sa rampada o kadaugan street party, ang dalan sa first Mactan bridge paingon sa Marcelo Fernan bridge sirhan.
Bahin sa seguridad, si SSupt. Rey Lyndon T. Lawas, hepe sa Lapu-lapu City Police Office, nagkanayon nga andam na sila sa maong kalihukan pinaagi sa pagpakatap sa 415 ka mga police nga mopatuman sa kalinaw ug kahusay atol sa maong kasaulogan. (BANAT NEWS)
- Latest
