11 ka tawo nasakmita’g shabu

CEBU, Philippines - Onse ka tawo  ang nasikop  sa mga sakop sa City Anti Illegal Drugs Special Operations Task Force Group (CAIDSOTG)   kinsa  nadakpan  sa akto  nga naghupot ug migamit  usab og illegal nga drugas sa  barangay  Babag, dakbayan  sa Lapulapu  sa miaging  gabii.

 Ang mga suspetsadong nadakpan ug gibalhog sa bilanggoan mao sila si Dandy Bisnar, Herwin Ando, Constantino Baguio, Jacris Molero ug Vergilio Lubas nga pulos  taga barangay Babag sa maong dakbayan.    

  Venancio Silawan, 42, Rosalio Eyas, 40, Roger Pacilan, Jundey Dela Pena, Lucia Salvi, 46 ug Gibson Igoy nga pulos taga sitio Ibabao  sa barangay Mactan sa maong dakbayan.

Si Senior Inspector Rogelio Penida Jr.,  nga maoy pangulo sa  team   sa kapolisan  nga  misikop  sa  mga suspetsado  miingon nga una nilang gipanid-an  ang  illegal nga kalihokan sa maong mga dinakpan.

Dugang pa niya nga unang nadakpan nila  si Bisnar   dihang  midawat  kini  sa buy bust money  nga P200 nga gibayad    sa usa  ka   police decoy   nga  mipalit  kunohay  og  usa  paketeng  shabu gikan  kaniya.

 Nasakmitan  usab    sa iyang  .38 kalibre nga armas ug laing unom  ka pakete nga shabu ang  maong  suspetsado. Samtang si Baguio ug mga kauban pulos  usab  nasakmitan  og  mga   pakete   sa shabu  ug  mga  gamitonon  sa paghingos  niini. (BANAT NEWS)