Human sa LP, one cebu motaak sa North Cebu
CEBU, Philippines - Human sa Liberal Party, ang mga kandidato na usab sa One Cebu Party ang mobisita sa mga lugar sa isla sa Bantayan alang sa pagpangampanya sugod karong adlawa.
Pangulohan sa kandidato pagka-gobernador, Kong. Pablo John “PJ†Garcia, ang grupo motabok dili lang sa dakung isla nga gilangkuban sa tulo ka lungsod lakip na usab sa mga isla nga barangay.
Dili hinoon segurado kung kuyog ba ang pares ni Garcia nga si bise-mayor Ramon “Boboy†Durano IV sa dakbayan sa Danao kinsa gipapahuway una sa doctor human nakasinati og grabeng dehydration.
Matud pa ni Kong. Benhur Salimbangon nga una nilang adtoon karong adlawa ang isla sa Kinatarcan nga may tulo ka barangay nga mao ang Langub, Hagdan ug Bitoon nga kabahin sa lungsod sa Sta. Fe.
Gikan sa Kinatarcan, mobalik ang grupo sa lungsod sa San Remegio alang sa usa ka rally sa barangay Looc ug sa Tapilon, Daanbantayan.
Mokuyog usab sila si Bokal Sun Shimura ug Joven Mondigo Jr. kinsa mopasubli sa tagsatagsa nila ka katungdanan.
Ugmang adlawa, ang grupo mopahigayun og proclamation rally sa mga lungsod sa Sta. Fe ug Bantayan.
Sa Sta. Fe gipangulohan sa kandidato pagka-mayor, Jose “Titing†Esgana samtang ang Bantayan walay kaatbang si Mayor Ian Christopher Escario.
Sa Miyerkules ipahigayun usab ang proclamation rally sa lungsod sa Madridejos nga gipangulohan ni Mayor Salvador dela Fuente.
Gikan sa isla sa Bantayan, ang One Cebu mopahigayun og proclamation rally sa dakbayan sa Bogo nga balwarte sa mga Martinez.
Moatbang kang Mayor Celestino “Junie†Martinez Jr. ang anak ni Salimbangon nga si Daphne Salimbangon. (BANAT NEWS)
- Latest
