CEBU, Philippines - Usa ka kanhi konsehal sa dakbayan sa Sugbo nga nakahimo og maayong serbisyo atul sa iyang pagpangatungdanan gantihan pinaagi sa pagngalan sa usa ka karsada sa duol sa iyang gipuy-an nga “Ely Abellana Drive.â€
Walay misupak sa tinguha nila ni Konsehal Rodrigo “Bebot†Abellanosa ug Konsehal Margarita “Margot†Osmeña nga nganlan na og Ely Abellana Drive ang karsada nga magsukad sa eskina Tres de Abril ug nahimutang kilid sa Miller Hospital paingon sa Carlock Street.
Anaa sa maong dapit mahimutang ang balay ni Abellana, kinsa sa wala pa mahimong konsehal sa dakbayan, kapitan sa Barangay San Nicolas Proper kaniadto.
Si Abellana maoy nangamahan kaniadto sa ordinansa nga nagmugna sa Department of Social Welfare and Services (DSWS), Department of Manpower Development and Placement (DMDP) ingon man ang Division for the Welfare of Urban Poor (DWUP).
Si Abellana mao ra usab ang bugtong kapitan sa barangay sa south district nga misuporta kaniadto ni Kongresista Tomas Osmeña atol sa una niya nga paglansar sa pagkamayor niadtong 1988.
Wala makatiwas si Abellana sa pagserbisyo isip konsehal sa dakbayan kay nasakit siya ug namatay kaniadtong 2002. Ang Bando Osmeña Pundok-Kauswagan (BOPK) maoy mipili og hulip ni Abellana mao nga nahimong appointed councilor si Rodrigo Abellanosa. (BANAT NEWS)